Жаңалықтарды Telegram арнамыздан оқыңыз!Анатол мен Габриэль Стати жеңілістерін мойындады. Бұл молдовалық даукес ағайындылар мен қазақ Үкіметі арасындағы дау 14 жыл бұрын басталған еді. Сол кездегі қалталы инвесторлар елімізде газ өңдейтін зауыт салмақ болған. Бірақ оның орнына заңсыз мұнай сатумен айналысқандары анықталып, жоба тоқтатылған еді. Десе де ағайындылар мұнымен келіспей елімізге құйған ақшасын қайтару үшін Қазақстанмен соттасқан. Алғашында халықаралық сотта жеңіске де жеткен. Тіпті Американың Mellon банкі өзінде сақтаулы тұрған Қазақстан Ұлттық қорының 530 миллион долларын бұғаттап тастаған еді. Енді ұзаққа созылған процесте ақыры жеңілісін мойындап отыр. Ал Ұлттық қордағы қаржы жақында бұғаттан шығарылуы тиіс.
Досжан Маратұлы
