Ел Тәуелсіздігінің 30 жылдығына орай жаңа кітаптың тұсаукесері өтті

Ел Тәуелсіздігінің 30 жылдығына орай «Қазақстан Республикасының Қылмыстық кодексіне түсініктеме» атты үш томдық кітаптың тұсаукесері өтті. Жинақ қазақ және орыс тілдерінде жарық көрген. Құқық қорғау қызметкерлері, ғалымдар, оқытушылар мен заңгерлерге және студенттерге арналған кітаптың авторы - Қазақстанның Еңбек сіңірген қайраткері Исидор Борчашвили. Жиынға Парламент депутаттары, Польша, Ресей, Түркия жоғары оқу орындарының ғалымдары мен еліміздегі заң саласының өкілдері қатысты. Аталған еңбек сарапшылар тарапынан оң бағасын алды. Болашақта еліміздің жоғары оқу орындарында оқытылуға ұсынылып отыр.