Басты Жаңалықтар Алматыдағы ревакцинация науқаны қалай жүзеге асуда?

Алматыдағы ревакцинация науқаны қалай жүзеге асуда?

23.11.2021 13:00

Алматыда COVID-қа қарсы ревакцинация науқаны басталды. Емханаларда инактивтендірілген QazVac және Vero Cell вакциналары қолжетімді. Бірінші кезекте медицина мамандары, педагогтар, медициналық-әлеуметтік мекеме қызметкерлері мен 60 жастан асқан қарт кісілер егіледі. Дәл қазір әріптесім Жазира Оразқызы ревакцинация жүріп жатқан емханалардың бірінде тұр.

Жазира Оразқызы, тілші:
Алматы қаласындағы №5 емханада жүрміз. Бұл жерде ревакцинация қарқынды жүріп жатыр. Біз келгелі бір емхана қызметкері мен ұстаз вакцинаның үшінші дозасын алып үлгерді.

Гүлзат Байзахова, №5 емхана қызметкері:
Кеше 20 медицина қызметкері қайта вакциналаудан өтті. Бүгін медицина қызметкерімен қатар мұғалімдер де келіп алып жатыр. Ревакцинация коронавирусты алдын алу үшін қажет. Үшінші доза векторлық вакцинадан соң 9 айдан кейін, ал инактивтендірілген екпеден соң 6 айдан кейін жасалады. Ревакцинациядан соң да сақтық шараларын сақтау керек.

Жазира Оразқызы, тілші:
Қазір Алматы қаласының емханаларында жүкті келіншектерге, 12 жастан 18 жасқа дейінгі жасөспірімдерге және бала емізетін аналарға Pfizer вакцинасы да салынып жатыр.

Жазира Оразқызы

Бөлісу