Қостанай облысында жол апатынан екі адам қаза болды

Қостанай–Рудный тас жолында ішімдік ішіп көлікке отырған жүргізушінің кесірінен жол апаты болып, екі адам қаза тапты. Мас күйінде BMW көлігін тізгіндеген жүргізуші қарсы бағытқа шығып кеткен. Сөйтіп алдында өз жолымен келе жатқан «Audi 80»-ді соққан.

«Audi» көлігінің жүргізушісі мен алда отырған жолаушы сол жерде көз жұмды. Қалған екеуі ауыр халде ауруханаға жеткізілді. Апатқа кінәлі азаматтың үстінен қылмыстық іс қозғалып, қамауға алынды.

Жыл басынан бері ішімдік ішіп көлік жүргізген 1 жарым мыңға тарта адам ұсталған.