Жол апатынан 10 адам қаза тапты

Алматы облысында жол апаты салдарынан 10 адам қаза тапты. Апат 6 желтоқсанда Алматы облысы Жамбыл ауданындағы «Алматы-Ақтерек-Алға» тас жолында болған.

Ақпарат құралдарының таратып жатқан мәліметтеріне қарағанда «Mersedes Benz» пен «Toyota Windom» көліктері соқтығысқан көрінеді. Екі көліктің әрқайсысында 5 адамнан болған. Апат салдарынан көліктердегі барлық адам көз жұмды.

Қазір бұл оқиғаға қатысты тергеу жұмыстары басталды. Алматы облысы Ішкі істер департаменті Тергеу басқармасының мамандары тиісті сараптама тағайындады