Жаңалықтарды Telegram арнамыздан оқыңыз!Шығыс Қазақстанда жол апатынан бір үйлі жан қаза тапты. Өскемен-Алтай трассасында Volvo маркалы жүк көлігі жол жиегіне аударылып, жанып кетті. 37 жастағы көлік жүргізушінің қасында әйелі және кәмелет жасқа толмаған екі баласы болған. Сот сараптамасы тағайындалып, тергеу-тексеру басталды.
Ал Батыс Қазақстанда көлік апатынан екі адам қаза тауып, 40 қа жуық жылқы тірідей жанып кетті. Жануарларды тіркемесіне тиеп алған КамАЗ жүк көлігі өзге бір автокөлікпен соқтығысып, өрт шыққан. Оқиға Самара-Шымкент күре жолының Қаратөбе ауданы аумағында болды. Қайтыс болған екі адамнан басқа, тағы бір адам түрлі жарақатпен ауруханаға жеткізілді. Полиция бұл іс бойынша тергеуді бастады.
Берік Көшербай
