Жамбыл облысында дауыл кезінде 17 жастағы бала қайтыс болды

Жамбыл облысындағы дүлей дауыл кезінде Жалпақтөбе ауылында 17 жастағы бозбала қайтыс болды. Жойқын жел басталған кезде ол жер үйдің төбесінде болған. Құйын ұшырып, жерге құлаған бала жедел жәрдем келгенше көз жұмған.

Жалпы кешегі шаңды дауылдан соң 41 адам медициналық көмекке жүгінген. Олардың төртеуі Тараз қалалық ауруханасына жатқызылып, басқалары үйлеріне жіберілген. Облыстық балалар ауруханасына да 4 бала түскен. Оның үшеуі ем алып жатыр. Байзақ аудандық ауруханасы дәрігерлерінің көмегіне жүгінген 4 тұрғынның біреуі жатқызылды. Олардың көбі мертігіп қалған.