Жаңалықтарды Telegram арнамыздан оқыңыз!Италияда соңғы 24 сағатта коронавирусты жұқтырғандар саны 10 мыңнан асты. Індеттен 72 адам қайтыс болған. Елде вакцина салу науқаны қарқынды жүріп жатқанымен, вирус қайта өршіп барады. Науқастар саны көбейіп, ауруханалардың жансақтау бөліміне ауыр салмақ түскен. Елде қайта локдаун енгізбеу үшін Италия билігі эпидемияны тежеуге қатысты жаңа шаралар қабылдап жатыр. Мәдени және спорттық шаралар адам саны жағынан шектелді. Бұған қоса, қоғамдық көліктерде санитарлық қауіпсіздік шаралары күшейтіліп, пойыз, ұшақ жолаушыларынан вакцина паспортын көрсету талап етіледі.
