Жаңалықтарды Telegram арнамыздан оқыңыз!Түркістан облысы бойынша Мемлекеттік кірістер департаментінің бірқатар қызметкерлері қамауға алынды. Олар мемлекеттік шекарадағы кеден бекеттерінде кәсіпкерлерден жүйелі түрде пара алып келген деген күдікке ілініп отыр. Ұсталғандар жергілікті тұрғындардан ірі-қара мен ұсақ малды кеден бекеттерінен жедел және кедергісіз өткізгені үшін ақы сұраған. Қазір осы қылмысқа қатысы бар деген бірқатар лауазымды тұлға Шымкент қаласындағы уақытша ұстау абақтысына қамалды.
