Елордадағы энергетикалық компания жауапкершілікке тартылды

Елордадағы аймақтық электр желілік компаниясы 484 миллион теңге негізсіз табыс тапқан. Мұны қалалық табиғи монополияларды реттеу департаменті анықтады. Компания уақытша өтемдік тариф енгізіп, одан түскен ақшаны электрожелі мен жабдықтарды жаңалауға, жөндеуге, жалпы дамуға жұмсаймыз деп уәде берген. Бірақ 2016-2020 жылдарға бекітілген инвестициялық бағдарламаны толық орындамаған. Осы үшін «Астана - аймақтық электр желілік компаниясына 2 миллион 300 мың теңге айыппұл салынды. Ал тұтынушылардың құқығын қалпына келтіру үшін электр энергияны беру және бөлу тарифі төмендетілді. 1 желтоқсаннан жыл соңына дейін 3,42, ал келесі жылдың қаңтар айынан қарашаға дейін 3,1 процентке арзандады.

Берік Көшербай