Талдықорғанға Pfizer вакцинасының 46800 дозасы жеткізілді

Талдықорғанға Pfizer вакцинасының 46800 дозасы жеткізілді. Бұл вакцинаны бірінші кезекте 12 мен 18 жас аралығындағы оқушыларға және жүкті әйелдерге егу жоспарланып отыр. Жалпы, Алматы облысында 147 мың оқушы мен 34 мыңға жуық жүкті және емізулі баласы бар 44 300 әйел екпе алатындар қатарында. Балаларға вакцина тек ата-аналарының жазбаша рұқсатымен салынады. Облыс орталығына арнайы термоқораптармен жеткізілген вакцина -90 градусқа дейін мұздататын тоңазытқыштарға салынды. Ол жерден білім шаңырақтарына және емханаларға тең таратылады. Ал білім беру ұйымдары мен медициналық ұйымдардың егу пункттерінде +2-8°C температурада 31 күнге дейін сақталады.

Ләйлә Серікбаева, облыстық Денсаулық сақтау басқармасы басшысының орынбасары:

Облыста 760 мектеп бар. Барлық мектепте медициналық пунктер, ішінде прививочный кабинеттер бар. Сол жерде жұмыс жасайтын медициналық қызметкерлермен оқулар өткізілді.