Жаңалықтарды Telegram арнамыздан оқыңыз!Бүгін таңғы 09:00 шамасында Тараз қаласында қоғамдық көлік 58 жастағы тұрғынды қағып кетті. Маршруттық автобустың тізгінінде 22 жастағы жүргізуші болған. Көлік астына түскен әйел адам оқиға орнында тіл тартпастан кеткен. Күдікті тергеу изоляторына қамалып, сотқа дейінгі тергеу басталды. Сондай-ақ, Павлодар облысындағы Мичурино ауылында 30 жастағы жаяу жүргіншіні көлік қағып, көз жұмды. Автокөлік айыптұраққа қойылды. Атырауда да кеше кешкі 20:00-де жаяу жүргіншілер жолағымен өтіп бара жатқан 40 жастағы ер адамды Ресейде тіркелген Kia Serato маркалы көлік басып кетті.
