Қазақстан аумағында жел күшейеді

Қазақстанның солтүстік, шығыс және оңтүстік-шығыс аймақтарында жел күшейеді. «Қазгидрометтің» болжамына сай, кең ауқымды антициклонның әсерінен ел аумағының басым бөлігінде жауын-шашынсыз ауа райы сақталады. Тек республиканың батысында жауын жауады деп күтіліп отыр. Батыс және оңтүстік өңірлердегі таулы аудандарда тұман түседі. Солтүстік Қазақстан облысында желдің екпіні секундына 23-28 метрге дейін күшейеді деген болжам бар. Ақмола, Қостанай облыстарының солтүстігі мен орталығында желдің жылдамдығы секундына 15-20 метр, түнде 23-28 метрге жетеді.