Мәскеуде локдаун аяқталды

Ресей астанасы Мәскеуде 28 қазан мен 7 қараша аралығында енгізілген локдаун аяқталды. Бұл күндері толықтай демалыс жарияланған еді. Бүгіннен бастап, екпе алмаған жасы 60-тан асқандардың әлеуметтік картасы бұғатталады. Бұл шектеудің соңғы алты айда ковидпен ауырған тұрғындарға қатысы жоқ.

Сонымен бірге, қаладағы театр, мұражайлар ашылады. Келушілерден міндетте түрде QR-код арқылы тексерістен өту, маска тағу талап етіледі. Мәдени орындар 70 пайызға толуы тиіс. Ресейдің тағы 5 өңірінде локдаун қарашаның 13-не дейін ұзартылды.

Айта кету керек, мұнда коронавирус қыркүйектің соңында өрши бастады. Биліктің мәлімдеуінше, бұған вакциналау қарқынының төмендеуі себеп.