Шахтадағы жарылыс: Ауруханадағы кеншілердің жағдайы жақсарып келеді

Абай шахтасындағы апат кезінде метан газынан уланып, ауруханаға түскен екі кеншінің жағдайы қазір орташа ауыр. Олар - 1963 жылы туған Жеңіс Маралбаев пен 1960 жылғы Элайдар Зейналов. Науқастар кеше жансақтау бөліміне жатқызылған болатын. Бүгін өздерін жақсы сезіне бастаған. Қазір токсикология бөліміне ауыстырылды.

Ерік Шонбаев, облыстық Травматологиялық орталықтың бөлім жетекшісі:

Бүгін екі науқастың да жағдайы - орташа ауыр. Кешегіге қарағанда өздерін әлдеқайда жақсы сезінеді. Екеуін де токсикология бөліміне ауыстырдық. Әрі қарай сол жерде ем-дом алады.