Жаңалықтарды Telegram арнамыздан оқыңыз!Йемен үкіметінің әскері мен шиит жасақтары арасындағы қарулы қақтығыстан соңғы екі күнде 200-дей адам мерт болды. Тараптар мұнайлы өлке – Мариб провинциясы үшін соғысып жатыр. Соңғы мәліметке қарағанда, шииттер көп адам жоғалтты, әйтсе де 14 ауданның басым бөлігін бақылауға алған. Иранға арқа сүйеген олар Йемен астанасы Сана мен елдің солтүстігін 2014 жылы басып алған. Халықаралық қауымдастық мойындаған үкімет оңтүстік пен Сауд Арабиясына қашты. Келесі жылы Саудия АҚШ-тың қолдауымен Йеменге әскер кіргізді. Мақсаты – өзіне жақтас билікті қалпына келтіру. Бірақ әскери жанжал ұзаққа созылып, Йемен қазір әлемдегі ең ауыр гуманитарлық дағдарысқа душар болып отыр.
