ДДСҰ коронавирусқа қарсы құптаған вакцина саны 7-ге жетті

Дүниежүзілік денсаулық сақтау ұйымының коронавирусқа қарсы құптаған вакцина саны 7-ге жетті. Халықаралық орган Үндістанда жасалған «Коваксин» екпесін шұғыл жағдайларда қолдануға рұқсат берді. Бұл препарат кірісі төмен елдер үшін тиімді, себебі оны сақтау оңай. «Коваксин» инактивтендірілген «SARS-CoV-2» антигенімен жасалған. Әрі оны 18 жастан асқандарға ғана қолдануға болады. Үндістандық вакцинаның тиімділігі - 78 пайыз. 

Салыстыра кетсек, «Файзер» екпесінің тиімділігі 90 пайыздан жоғары. Дүниежүзілік денсаулық сақтау ұйымы қолдаған вакциналар арасында «Коваксинмен» бірге «Файзер», «Модерна», «AstraZeneca», «Джонсон энд Джонсон», «Синофарм» мен «Синовак» бар. Ал «Спутник V» препараты әлі тексерістен өтіп жатыр.