Көкшетауда карантин талаптарын бұзғандар анықталды

Көкшетауда карантиндік шектеулерге қарамастан жұмыс істеген екі дәмхана анықталды. Көңіл көтеру орындары рұқсат берілмеген уақытта қызмет көрсеткен. Бірінде тіпті келушілерге кальян ұсынылған. Бұл заңсыз әрекет үшін әкімшілік құқық бұзушылық кодексінің 1-тармағы бойынша айыппұл салынды. Қос дәмханада карантин талаптарын бұзғаны үшін жауапкершілікке тартылады.

Сондай-ақ, Көкшетауда сот шешімімен «Меруерт» мейрамханасының жұмысы бір айға тоқтатылды. Мейрамханада карантин талаптары жиі бұзылатын. Иелері ескертулерді елемеген. Бірнеше рет айыппұл салынса да, шектеулерді орындамай, тойларды өткізуді жалғастыра берген.