Жаңалықтарды Telegram арнамыздан оқыңыз!Қызылорда облысы Шиелі ауданында кәсіпкерді бопсалап келген қылмыстық топ ұсталды. Олар ойын-сауық орталығының иесін қорқытып, бірнеше айдан бері ақша алып отырған.
Әдеттегідей кәсіпкерге келіп, ақша алып жатқан жерінен оларды полиция жасағы құрықтады. Қылмыстық топтың жетекшісі - 29 жастағы Шиелі кентінің тұрғыны. Тінтіп-тексеру кезінде күдіктілердің қалтасынан жәбірленушіден алған үлкен сома тәркіленді. Қазір олар уақытша ұстау абақтысына қамалды. Қылмыстық іс қозғалып, өзге де зардап шеккендердің бар-жоғы анықталуда.
Әділбек Серікұлы
