Жаңалықтарды Telegram арнамыздан оқыңыз!Елімізде ауасы ең лас саналатын 10 қала анықталды. Эколог мамандар «Жасыл Қазақстан» жобасы арқылы осы қалалардағы кәсіпорын қалдықтарын 20 пайызға дейін азайтуға күш салмаққ. Ол үшін соңғы бес жылдықта 16 ірі өнеркәсіп ауаға тарататын улы заттардың көлемін азайтуға міндеттеледі. Бұл жұмыстарды Экологиялық реттеу және бақылау комитеті мен аумақтық бөлімшелері бақылайды. Сондай-ақ, жер асты суы мен өзендерге қауіп төндіріп тұрған 53 кәріз суларын төгетін орындар қайта жаңғырмақ. Мұның өзі өңірлердегі экологиялық ахуалдың жақсаруына сеп болмақ.
Ерболат Қожықов, Мемлекеттік экологиялық бақылау басқармасының басшысы:Жалғыз ауа мәселесі емес, жалпы көгалдандыру, су мәселесі, басқа да шешілмей келе жатқан мәселелер көтеріліп жатыр. Алдағы бес жылда кәсіпорындардан шығарымдар 30 пайызға азайған кезде біздің 10 қалада жағдай жақсарады деген үміттеміз.
Сәбит Әлдебай
