Жаңалықтарды Telegram арнамыздан оқыңыз!Ақмола облысының Зеренді ауданында 273 түп қарағайды заңсыз қазып алғандар ұсталды. Полицияға Баратай және Уголки ауылдары арасындағы орман алқабында белгісіз біреулердің жас қарағайларды тамырымен қазып алып жатқаны туралы хабарлама түскен. Көп ұзамай тәртіп сақшылары 55 және 43 жастағы екі адамды ағаштарды жүк көлігіне тиеп жатқанда кезінде ұстады.
Сондай-ақ, Бұланды ауданында 172 түп қарағайды қазып алған Шымкент қаласының тұрғыны анықталды. Бұл деректерге қатысты іс қозғалып, сотқа дейінгі тергеу басталды. Оларға 160 айлық есептік көрсеткіш көлемінде айыппұл салынуы немесе 40 күнге қамауға алу жазасы қарастырылған.
