Америкалық генерал Қытайдың гипердыбысты зымыран сынағанын растады

Америкалық генерал Марк Милли Қытайдың гипепрдыбысты зымыран сынағанын растады. «Бұл ракетаның тәжірибеден өтуі маңызды оқиға болғанымен, бізді алаңдатып отыр», - дейді. Милли. Дегенмен Бейжің бұл мәліметті жоққа шығарып отыр. Әскери сарапшылардың сөзінше, гипердыбысты қару АҚШ-тың әуе қорғаныс жүйесіне екі жолмен төтеп бере алады. 

Біріншіден, ол сағатына 6200 шақырым жылдамдықпен немесе дауыстың жылдамдығынан 5 есе тез ұшып, өзін құлатуға мүмкіндік бермейді. Екіншіден, мұндай ракета қас-қағым сәтте Жер орбитасына жетіп, жердегі нысандарға соққы бере алады. Ал құрлықаралық баллистикалық зымырандардың оны құлатуға мүмкіндігі жоқ екен.