Президент Асқар Маминді қабылдады

Биылғы 9 айда ішкі жалпы өнімнің өсімі 3,4 пайызды құрады. Президент қабылдауында болған Үкімет басшысы осылай дейді. Асқар Маминнің мәліметінше, карантинді жеңілдету нәтижесінде қызмет көрсету секторы біртіндеп қалпына келе бастады. Премьер-Министр мемлекет басшысына әлеуметтік маңызы бар тауарлардың бағасын тұрақтандыру мен инфляцияға қарсы іс-қимыл шаралардың жүзеге асырылуы жөнінде де айтты. Бұдан бөлек, еліміздегі санитарлық-эпидемиологиялық жағдай, сыртқы және ішкі инвестициялардың көлемін арттыру, шағын және орта бизнестің әлеуетін ұлғайту, аймақтарды өркендету сияқты өзге де өзекті мәселелер талқыланды.