Павлодарда алимент төлемеген көпбалалы ана бас бостандығынан айырылды

Павлодарда көпбалалы ана алимент төлемегені үшін бас бостандығынан айырылды. 48 жастағы әйелдің бес баласы бар. Балаларының үлкені 18 жаста кішісі 8-де. Ішімдікке салынған әйел оларды қараусыз тастап, тіпті аш қалдырған. Ата-ана құқынан айырылған соң балалардың үлкені интернатқа жіберіліп, кішкентайларын жақындары асырап алған. Аналары алимент төлеуі тиіс болғанымен, міндетін сол күйі орындамады, -  дейді мамандар. Ақыры ол бір жылға сотталды.