Жаңалықтарды Telegram арнамыздан оқыңыз!Ақтауда 200-ге жуық үлескердің биыл қоныс тойын тойлаймыз деген үміті үзілуге шақ тұр. Себебі құрылыс компаниясы тұрғын үйдің құрылысын межелі уақытта аяқтамаған.
Тұрғындардың дені жалғыз баспанасын сатып, 2 жылдан бері пәтер жалдап жүр. Араларында несие алғандар да бар. Сондай-ақ олар пәтер құнын толық төлеген.
Ал компания өкілдері пандемияның кесірінен құрылыс кідірді, дегенмен жұмыс қайта жанданды деп отыр. Сондықтан тұрғын үйдің құрылысы келесі жылдың басында ғана аяқталмақ.
Перизат Әділханова, қала тұрғыны:
Осы «К7 групптан» үй алғанмын «Жеті қазынадан», бізге маусым айында береді деді. Жалпы 3 үйге 30 млн-ға жақын ақша салдық. Біз қазір пәтер жалдап тұрамыз. Үйде 4 бала бар. 1-тоқсанда 3 мектеп ауыстырдық, себебі баламен ешқайда сыймаймыз. Біз мына жаққа қонып жатпасақ, басқа амал қалмады.
Бақыт Меңдібаев, құрылыс компаниясының өкілі:
Бізге қаладағы жабдық шығаратын мекеменің материалы жетпей қалды. Қазіргі таңда мекеме басшылығымен осы тығырақтан шешу мақсатында өздері өндірістік аумақтан цех сатып алып жатыр. Қосылған сәттен бастап, осы салынып жатқан объектіге қажетті материалын жабдықтауға мүмкіндігіміз болады.
