Талдықорғанда құтқарушылар ант қабылдады

Құтқарушылар күніне орай Талдықорғанда жас мамандар ант қабылдады. Олардың ішінде өрт сөндіруші де, диспетчер де, құтқарушы да бар. Жалпы өңірдің азаматтық қорғаныс саласында 1200-ге жуық адам еңбек етеді. Салтанатты жиынға келген ардагерлер мен құрылым басшылары ескерткіш тақтаға гүл шоқтарын қойып, қызмет бабында жүріп қаза тапқан боздақтардың рухына тағзым етті.

Сондай-ақ облыс орталығындағы көпқабатты үйлердің біріне құтқарушының муралы салынды. Бес қабатты ғимарат қабырғасында кішкентай қыз баланы өрттен алып шыққан өрт сөндіруші бейнеленген.

Сымбат Қаппарова, диспетчер:

Бұл - өзімнің бала кездегі арманым. Ағаларым, туыстарым, жақындарымның барлығы осы салада жұмыс істейді. Мотивация сол жақтан келіп жатыр. Әке-шешем барлығы қолдап, бір жыл бойы еңбек еттім, тырыстым. Қиын жағдай болмасын! Болған жағдайда бірінші болып қолдан келгенше көмектесуге дайынбыз.