Пальма аралында атқылап жатқан жанартаудың қашан тоқтайтыны белгісіз

Испанияның Пальма аралында бір айдан бері атқылап жатқан жанартаудың қашан тоқтайтыны белгісіз. Жексенбі күні мұнда 42 сейсмикалық дүмпу болған. Олардың ең күштісінің қуаты 4,3 балға жетті. 

"Рейтердің" мәліметінше, жанартаудан төгілген лава 800 гектарға жуық аумақты күлге айналдырып, жолында кездескен 2 мыңдай ғимаратты қиратты. Және де аралдың 7 мыңдай тұрғыны қауіпсіз жерге көшірілген.

Бұған қоса, Пальма әуежайында 38 ішкі және сыртқы ұшақ рейсі кейінге қалдырылды. Дегенмен авиациялық терминал жұмысын тоқтатқан жоқ.