Алматыда мас күйінде көлік айдаған жүргізуші полиция қызметкерін қағып кетті

Алматыда мас күйінде көлік айдаған жүргізуші полиция қызметкерін қағып кетті. Оқыс оқиға түн ортасында болған.

Тәртіп сақшылары Қабанбай батыр көшесінде қарама-қарсы бағыттағы жолақта келе жатқан Hyundai автокөлігін байқап, оны тоқтатқан. Алайда 59 жастағы тұрғын тәртіпке бағынбай, ізін суытпақ болған.

Артынша экологиялық постта тұрған полиция аға лейтенанты Мейіржан Бисембаевты қатты жылдамдықпен келіп, қағып кеткен. Екі аяғы сынып, бас сүйегі жарақаттанған полиция қызметкері ауруханаға жатқызылды. Ал мас жүргізуші ұсталды.