Қазақстандық бітімгерлердің кезекті ротациясы Ливанға аттанды

Ал Қазақстандық бітімгерлердің кезекті ротациясы Ливанға аттанды. Бұған дейін бесінші бітімгерлік контингент «Біріккен Ұлттар Ұйымының Ливандағы уақытша күштері» миссиясын аяқтады. Енді олардың орнын алтыншы құрам алмастырады. 

Қорғаныс министрлігінің хабарлауынша, қазақстандықтар жарты жыл бойы жергілікті жерді күзету, блок-бекеттерде қызмет атқару және базаны күзету сынды міндеттерді орындаған. Олар Үнді батальонының құрамында қызмет етті. Бітімгерлер өздеріне жүктелген тапсырмаларды лайықты деңгейде орындап шықты.

Нұрхан Нұрланұлы