Косовода қақтығыс болып, 10 серб пен 10 полицей жараланды

Жанжалдың басталуына тәртіп сақшыларының бірнеше қалада контрабандалық тауарларды тәркілеу операциясын жүргізуі себепші. Бұл рейд этникалық сербтерге ұнамаған. Айта кетсек, Косово өз тәуелсіздігін 2008 жылы жариялады. Алайда, оның солтүстігіндегі 50 мыңдай серб жергілікті албандар билігін мойындамай, Сербия басшылығын заңды үкіметіміз деп есептейді. Сербия президенті Александр Вучич болса, «Батыстың ірі державаларын» косоволық сербтерді қорғамады деп айыптап, бұл міндетті өз қолына алса, жеңіске жететінін ескертіп отыр.