Батыс Қазақстан облысы әкімнің орынбасары қызметінен кетті

Батыс Қазақстан облысы əкімінің орынбасары Айдар Нұралиев қарамағындағы қызметкері пара алғаны үшін қызметінен кетті. Облыстық денсаулық сақтау басқармасының бұрынғы басшысы Болатбек Каюпов парақор деп танылып, 4 жарым жылға бас бостандығынан айырылды. Апелляция алқасы сот шешімін өзгеріссіз қалдырды. Заң бойынша, қоластындағы қызметкері сыбайлас жемқорлық қылмысымен сотталса, басшы отставкаға кетуі керек. Айдар Нұралиев денсаулық сақтау саласына жетекшілік етті. Облыс əкімі Ғали Есқалиев орынбасарының арызын қабылдап, қызметінен босатты. Нұралиев бұл лауазымда тек бір жыл жұмыс істеді.