Қызылорда облысында мектептің бу қазандығы жарылды

Қызылорда облысы, Қазалы ауданының Тасарық ауылында мектептің бу қазандығы жарылды. Көмірмен жылытылатын қазандық таңғы алтылар шамасында жарылған. Абырой болғанда, зардап шеккендер жоқ. Ал ғимарат опырылып, қираған. Қазір мектеп жылусыз қалды. Дегенмен, онда 100-ден аса бала білім алып жатыр. Жергілікті әкімдік мәселені тез арада шешу жолдарын қарастыруда. Төтенше жағдайлар департаменті оқыс жағдайдың себеп-салдарын анықтауға кірісті.

Саид Молдақараев, Төтенше жағдайлар департаментінің бастығының орынбасары:

Біздің ойымызша бұл жерде су айналдыратын циркулярный насос істен шыққан болуы керек. От жағушы отты жағып, сол енді сыртқа шығып кеткен кезде болған жағдай. Себеп-салдары анықталуда.

Әділбек Жақанов