Шығыс Қазақстанда көлік апатынан 5 адам қайтыс болды

Шығыс Қазақстанның Абай ауданында көлік апатынан 5 адам қайтыс болды. Түнгі бірлер шамасында Қарауылдан Саржал ауылына қарай бара жатқан көлік аударылып кеткен. Салдарынан жүргізуші мен 4 жолаушы, оның ішінде бір жарым жастағы бала сол жерде мерт болды. 35 жастағы тағы бір жолаушы ауруханаға жеткізіліп, қажетті медициналық көмек көрсетілді. Қазір аталған факті бойынша сотқа дейінгі тергеу жүріп жатыр.