Жапонияда жер сілкінісі кезінде 30-дан астам адам жараланды

Жапонияда 5,9 баллдық жер сілкінісі кезінде 30-дан астам адам жараланды. Сонымен қатар, Токиода жерасты су құбырлары жарылып, пойыздар жолдан тайып, метролар қызметі тоқтап қалған. Осыған байланысты, жолаушылар бүгін таңертең діттеген жеріне дер кезінде жете алмай, теміржол станцияларында қалды.

Зілзала ошағы Токиодан шығысқа қарай орналасқан Чиба префектурасында анықталды. Дегенмен, аймаққа цунами қаупі төніп тұрған жоқ.

Жаңа премьер-министр Фумио Кисида «Твиттерде» мәлімдеме жасап, халықты «соңғы ақпаратты тексеріп, өз өмірлерін сақтау үшін әрекет етуге» шақырды. Оның сөзінше, бұл – 2011 жылдың наурызынан бергі ең қуатты жер тербелісі екен.

Арыстан Рысбек