Жаңалықтарды Telegram арнамыздан оқыңыз!
Президент Қасым-Жомарт Тоқаев Дүниежүзілік энергетика апталығы мен ХIV KazEnergy Еуразиялық форумы аясында «Әлемдік энергетикалық трилемма 2021 – компоненттер теңгерімі: энергетикалық аймақтар бойынша өзгерістер навигациясы» атты жаһандық пленарлық мәжілісте бейнеүндеу жасады. Ол өз сөзінде Орталық Азия аймағында тұңғыш рет өтіп отырған апталықтың ұйымдастырылуын қолдады. Қазақстан -климаттың өзгеруіне қарсы күрес пен Париж келісімі бойынша жаһандық күш-жігерді толық қолдайтынын атап өтті. Жаңа технологиялар қазба отын түрлерінен жаңартылатын қуат көздеріне, сутегі мен ядролық энергияға көшуді талап етеді. Қасым-Жомарт Тоқаев Үкіметтің энергия өндіру мен оны үнемді пайдалану, цифрландыру және тұрақты экономикалық өсім бағыттарын ілгерілетуге ықпал ететін ұлттық жобаларды әзірлеп жатқанын атап өтті.
Қасым-Жомарт Тоқаев, ҚР Президенті:Мен Үкіметке 2030 жылға қарай электр энергиясын өндіруде жаңартылатын және баламалы энергия көздерінің үлесін 15 пайызға жеткізуді тапсырдым. Қазіргі таңда 2000 МВт-қа жуық жаңартылатын қуат көздері пайдалануға берілді. Қазақстанның көздеген мақсатқа жету жолындағы бағыты дұрыс. Алайда, көміртегі бейтараптығына қол жеткізу үшін тек жаңартылатын энергияға иек арту жеткіліксіз.
Ғабит Бөкенбай
