Қаржы пирамидасының белгілері бар компаниялар тізімі жарияланды

Қаржы пирамидасының белгілері бар компаниялардың тізімі жарияланды. Қаржы нарығын реттеу және дамыту агенттігінің мәліметіне сәйкес, оған 121 компания кірген: 56-сы қаржылық пирамида белгілері бар ұйым, 65-сі заңсыз инвестициялық делдал. Агенттік халыққа аты аталып, түсі түстелген фирмалардан сақ болуға шақырады. Тізім тұрақты түрде жаңартылып отырмақ. Айта өтейік, күмәнді фирмалардың заңсыз әрекеттерін мамандар интернеттегі ақпараттық кеңістік пен әлеуметтік желілерді бақылап, азаматтардан келіп түскен арыз-шағымдарды зерделей келе әшкере еткен. Жыл басынан бері алаяқтардың арбауына түскен 125 адамнан өтініш түсіпті.

Армангүл Тоқтамұрат