Жаңалықтарды Telegram арнамыздан оқыңыз!Нұр-Сұлтан жастары үшін жағымды жаңалық. Бір аптадан кейін жаңа тұрғын үй бағдарламасы іске қосылады. Бұл туралы қала әкімі Алтай Көлгінов хабарлады. «Elorda Jastary» деп аталатын бағдарламаға денсаулық сақтау, білім беру, әлеуметтік, мәдениет және спорт салаларының сондай-ақ,полиция мен төтенше жағдайлар департаментінің қызметкерлері қатыса алады. Басты талап өтініш берушінің жасы 35-тен аспауы керек. Әрі бас қалада кемі 1 жыл тіркеуде тұрған және жұмыс істеген болуы тиіс. Отбасы банкінде жинақ шоты бар және соңғы 5 жылда үйі болмаған азаматтардың ғана құжаты қабылданады. Жеңімпаздар балдық жүйемен анықталады. Оларға үй алуға 18 миллион теңге жеңілдетілген мөлшерлеме 5 пайызбен 25 жылға беріледі.
Досжан Маратұлы
