Жаңалықтарды Telegram арнамыздан оқыңыз!
Сенат төрағасы – Әлемдік және дәстүрлі діндер лидерлері Съезі Хатшылығының Басшысы Мәулен Әшімбаев, белгілі діни қайраткерлермен кездесті. Жүздесуде Сенат спикері Қазақстанда 18 дін мен конфессияны ұстанатын 100-ден астам этникалық топ өкілдері бейбіт өмір сүріп жатқанын және өзара түсіністік пен диалог еліміздегі қоғамдық келісімді сақтаудың аса маңызды шарты саналатынын атап өтті. Ал, діни қайраткерлер дінаралық диалог идеяларын жаһандық деңгейде ілгерілетуге бағытталған жұмыстарға тоқталып, өзара ынтымақтастықты нығайтуға мүдделі екендерін жеткізді. Ал, ертең елордада өтетін ХІХ отырысында қабылданатын шешімдер Әлемдік және дәстүрлі діндер лидерлерінің VII Съезін жаңа деңгейге көтеретініне сенім білдірді.
Армангүл Тоқтамұрат
