Жаңалықтарды Telegram арнамыздан оқыңыз!«Нұрлы жер» мемлекеттік бағдарламасы бойынша салынған көпқабатты үйде жылу, жарық пен су жоқ. Баспана әлеуметтік жағдайы төмен азаматтар мен бюджеттік сала қызметкерлеріне ипотекалық несиеге берілген. Олардың дені 10-15 жыл бойы пәтер кезегінде тұрғандар. Баспана жалдап әрі банкке несие төлеп шаршаған көпшілік қысқа дейін жаңа үйге көшкендерін қалайды.
Самал Көкенбаева, қала тұрғыны:
Кәзір жалдамалы пәтерде тұрып жатырмын. Жалдамалы пәтерге төлеймін. Міне осы үйдің ипотекасына қазан айында төлеуіміз керек. Бірақ өкінішке қарай осы үйді бізге әкімшілік әлі берген жоқ.
Петропавлдың жаңадан бой көтеріп келе жатқан «Жас өркен ауданында» көпқабатты бес үй уақытша подстанциядан электр қуатын алып отыр. Тұрғындар жарықтың жиі өшетініне шағымданады. Ал әкімдік өкілдері мәселенің жуық арада шешілмейтінін ашық айтты.
Эльмира Кәленова
