Жаңалықтарды Telegram арнамыздан оқыңыз!Азаматтық қоғамның қоршаған ортаны қорғауға қатысуының ашық тетіктерін негіздеу керек. Бүгін мәжіліс депутаттары Каспий теңізін ластанудан сақтау туралы заң жобасын мақұлдады. Құжатта әр тарап теңіз ортасы мен жағалау аймақтарының жай-күйіне жауапты екені және айдынға қатысты жоспарланған шаралар туралы ақпараттың қолжетімділігі айқындалған. Осы ретте Каспийді қорғауға тұрғындардың да атсалысуына жағдай жасалуы шарт. Сала министрі экологиялық кодексте қоғам пікірі ескерілетінін атап өтті.
Нұрлан Нығматулин, ҚР Парламенті Мәжілісінің төрағасы:Мәселе мынада, Серікқали Аманғалиұлы ең алдымен, адамдар экологиялық ақпаратты іздеуде мемлекеттік органдар мен жер қойнауын пайдаланушылар арасында шабылмауы керек. Бұған ашық қол жеткізуді қамтамасыз ету сіздің министрліктің тікелей міндеті. Кез келген жерде, веб-сайттарда, әлеуметтік желілерде жер қойнауын пайдаланушылардың келісімшартында көрсетілген экологиялық міндеттемелері туралы толық және сенімді ақпарат болуы тиіс. Бұл – Каспий теңізін де, қоршаған ортаны қорғауға да жұртшылықтың қатысуының басты шарты.
Нысаналы Ығыл
