Жаңалықтарды Telegram арнамыздан оқыңыз!Алматыда 1500-ге жуық адам алимент төлеуден жалтарып жүр. Көпшілігі бұған жұмыстың жоқтығы себеп дейді. Сондықтан, қалалық Әділет департаменті, прокуратура және сот орындаушылар палатасымен бірігіп, бауыр еті балаларының алдындағы міндетін орындай алмай жүргендер үшін бос жұмыс орындары жәрмеңкесін өткізді. Оған 20-ға жуық компания қатысып, 300-дей орын ұсынылды. Соның арқасында алимент төлеуден жалтарып жүрген борышкерлердің саны азаймақ. Мұндай іс-шараны әр тоқсан сайын өткізу жоспарланып отыр, дейді ұйымдастырушылар.
Әнуар Жіксеков, Әділет департаменті атқару өндірісін қамтамасыз ету бөлімінің басшысы:Осы жылда екінші рет ұйымдастырылып жатыр. Оған көптеген компаниялар келді. Олардың ішінде 300-дей орын берілді. Соған 150-ге жуық борышкер қатысты. Оның 30 пайызы жұмысқа орналасты.
