Алматыда жолда трюк жасаған жүргізуші жазаланды

Алматыда жол үстінде трюк жасаған жүргізушіге айыппұл салынды. Әлеуметтік желіде тараған мына видеода ол жүріп бара жатқан көліктен шығып, сальто жасап, қайтадан көлікке отырады. Видео желіге тарағаннан кейін, оқырмандар пікірге полиция департаментін белгілеген. Осылайша жүргізушінің 27 жастағы қала тұрғыны екені анықталып, ол айыппұл арқалады.

Дәулет Есмырзаев, қалалық ІІД баспасөз қызметінің инспекторы:

Полиция департаментімен тексеру жүргізіліп, құқық бұзушы анықталды. Ол 1994 жылы туған О есімді азамат болып шықты. Ол ҚР Әкімшілік құқық бұзушылық кодексінің 590-бабы, 2-бөлігі және 593-бабы, 2-бөлігі бойынша әкімшілік жауапкершілікке тартылды.