Эквадор түрмесінде 116 адам мерт болды

Эквадор президенті елдің түрме жүйесінде төтенше жағдай жариялады. Оның мұндай шешім қабылдауына Литорал абақтысында қылмыстық топ мүшелері қақтығысып, 116 адамның мерт болуы себепші. Отты қару, пышақ, жарылғыш заттар қолданылған жанжал барысында 80 сотталушы жараланған. Жергілікті басшылықтың сөзінше, құрбандардың бесеуінің басы кесіліпті.

Қантөгістің басталуына халықаралық наркокартельдермен байланыстағы қылмыскерлердің түзеу мекемесіне билік жүргізу әрекеті себепші. Ал, төтенше жағдай режимі бүлік шыққан түрмеге әскер мен полиция кіргізуге мүмкіндік береді.