Байзақ ауданындағы жарылыстан зардап шеккен 87 азаматқа әлеуметтік төлем төленеді

Жамбыл облысының Байзақ ауданындағы жарылыстан зардап шеккен 87 азаматтың бәріне бірдей әлеуметтік төлем төленеді. Олар жарақат алып, аруханада емделіп шыққан адамдар.

Ал, апат кезінде қаза тапқандардың отбасына 20 миллион теңгеден беріледі. 10 миллион үкімет резервінен, бес миллионы - жергілікті бюджеттен. Қалғаны Төтенше жағдайлар министрлігі есебінен төленетінін бұған дейін айтқанбыз. Қазіргі уақытта жарылыс болған аймаққа жақын орналасқан ауылдарда құрылыс қарқынды жүріп жатыр. Қазан айында толық жөнделіп бітеді деді облыс әкімі журналистерге берген сұхбатында.

Бердібек Сапарбаев, облыс әкімі:

Мемлекет тарапынан әлеуметтік көмек көрсетіледі. Оның мөлшері 76 мың теңгеден 262 мың теңгеге дейін. Қазір барлық отбасыларға тағайындалды. Қазан айынан бастап тағы да әлеуметтік көмек төленетін болады.