Асқар Мамин эпидемиологиялық жағдайды бақылауда ұстауды тапсырды

Қазақстанда санитарлық-эпидемиологиялық жағдай жақсарып келеді. Өңірлерде вирус жұқтыру дерегі едәуір төмендеген. Инфекциялық төсектер 33, реанимациялық орындар 32%-ға толы. Алайда, Үкімет басшысы Асқар Мамин бұл көрсеткішке тоқмейілсімей, эпидахуалды қатаң бақылауда ұстауды тапсырды. Өйткені, Алматы, Нұр-Сұлтан қалалары және Қарағанды, Павлодар мен Ақмола облыстары әлі де «қызыл аймақта» тұр. Сондай-ақ Премьер-Министр күзде көбейетін тұмау мен басқа да респираторлық инфекциялар бойынша профилактикалық және эпидемияға қарсы шаралар қабылдау қажеттігін айтты. Бүгінде маусымдық тұмауға қарсы 2 жарым млн доза вакцина дайындалған.