Оралда жанармай тек талонмен беріліп жатыр

Оралда да жанармай талонмен беріліп жатыр. Кей бекеттерде бір қолға 100 литрден артық сатылмайды. Өңірде дизельді отынның тек бір апталық қоры қалған. Жанармай Атырау мұнай зауытынан тасымалданады. Негізгі айлық қажеттілік - 15 мың тонна.

Қайрат Мұхамбетқалиев, облыстық энергетика және ТҮКШ басқармасы басшысының міндетін атқарушы: 

Облыста 1 500 тонна жанармай қоры бар. Ол 7-8 күнге жетеді. Қазір Ресеймен келіссөз жүріп жатыр. Жыл сайын күзгі жиын-терім кезінде осылай болады. Атырау зауыты отынды, бірінші, ауыл шаруашылығы саласына, сосын теміржолға, өндіріс орындарына жібереді. Содан қалған 10 %-ы жанармай құю бекеттеріне беріледі. Сол себепті аздаған тапшылық туындап жатыр.

Ардақ Мұратқызы