Мемлекет басшысы Тәжікстанның Маджлиси Оли Маджлиси милли төрағасын қабылдады

Мемлекет басшысы Қасым-Жомарт Тоқаев Тәжікстанның Оли Маджлиси милли төрағасы Рустами Эмомалиді қабылдады. Кездесуде Президент қазақ-тәжік ынтымақтастығының оң қарқынын атап өтті. Өзінің Тәжікстанға жасаған ресми сапарында қол жеткізілген келісімдер екіжақты байланысты нығайтудың басты бағдары болатынын айтты. Қазір екі ел үкіметтері белсенді жұмыс істеп жатыр. Қасым-Жомарт Тоқаев Тәжікстан Президенті Эмомали Рахмонға жүрекжарды сәлемін жолдады. Ұжымдық қауіпсіздік туралы шарт ұйымы мен Шанхай Ынтымақтастық Ұйымының жуырда Душанбеде өткен саммиттерін сапалы ұйымдастырғаны үшін шынайы алғысын білдірді.