Президент Реформалар жөніндегі жоғары кеңестің кезекті отырысын өткізді

Президент Қасым-Жомарт Тоқаевтың төрағалығымен Реформалар жөніндегі жоғары кеңестің отырысы өтті. Күн тәртібінде төрт мәселе қаралды. Ұлттық жобалар, тиімді тауар өткізу жүйесін қалыптастыру, экспортты ілгерілету мен аумақтық даму жоспарының жобасы. Стратегиялық жоспарлау және реформалар агенттігінің төрағасы Қайрат Келімбетов атқарылған жұмыстар туралы баяндады. Мемлекет басшысы бүгінгі талқылаулар мен Президент Әкімшілігінің ескертпелерін ескере отырып, жалпы ұсынылған жобаларды мақұлдауды ұсынды. Үкіметке тиісті тапсырма берілді.