Жаңалықтарды Telegram арнамыздан оқыңыз!
Жыр алыбы Жамбыл Жабаевтың түрік тіліне аударылған кітабы Талдықорғанда таныстырылды. Жинақ ақынның 175 жылдық мерейтойына орай, ТҮРКСОЙ халықаралық ұйымының қолдауымен басылып шықты. Кітаптың тұсаукесеріне ұлт зиялылары, ТҮРКСОЙ ұйымының өкілдері мен ақынның ұрпақтары қатысты.
Жинақта Жамбыл Жабаевтың өлеңдері топтастырылған. Сондай-ақ, кей сөздердің қазақша баламасы берілген. Алдағы уақытта мерейтой аясында Жамбыл әлемі атты 30 томдық кітап жарық көреді деп жоспарланып отыр. Түркияда жыр алыбының шығармашылығына арналған халықаралық конференция ұйымдастырылады.
