Жаңалықтарды Telegram арнамыздан оқыңыз!Қазақтың қаһарман ұлы Бауыржан Момышұлы туралы кітап түрік тілінде жарық көрді. Анкарадағы Қазақстан елшілігінде өткен «Түркістанның от баласы» атты кітаптың таныстырылымында автор Ашур Өздемир шығарманың ерекшеліктеріне тоқталды.
Кітап үш бөлімнен тұрады. Бірінші бөлімде батырдың балалық шағы, отбасы және соғыстағы өмірі жайлы айтылса, екінші бөлімде шығармалары мен әр салаға қатысты ой-пікірі жинақталған. Ал кітаптың үшінші бөлігінде мақалалары мен әскери естеліктері, сонымен қатар хаттары топтастырылған.
Түрік жазушысы Ашур Өздемир бұған дейін Абай, Әлихан Бөкейханов, Шерхан Мұртаза сияқты қазақтың бірқатар тұлғаларының шығармаларын аударып, өмір тарихын зерттеп жүрген қаламгер.
Ашур Өздемир, автор:
Жазылып біткенше екі жылдай уақыт кетті. Қызық әрі отты адам. Бір қалыпты, айтқанынан қайтпайтын, қайсар адам болған соң, түрік оқырманының көңілінен шығады деп ойлаймын.
